Diesmal leider kein Podestplatz im Vereinswettkampf

Seeländische Jugendturntage in Lyss, 11.06.2006
(Von Regula Reusser, 30.06.2006)

Am Samstig am viertu ab Eufi hei sech aui Liechtatlethe (24 Kids) u Leiter uf em Parkplatz i dr Sporthaue troffe. Nach em Appell si mir losgfahre nach Lyss für a Einzu Wettkampf. Am haubi eis hei mir i d'Ching i vier Gruppe verteilt u dr Wettkampf gstartet. Mir hei niene au zu lang müesse warte, aber äs isch nid ä so guet agschribe gsi wo dass was isch, so das mir üs zügig dür die verschiedene Dizipline hei kämpft. Ds Sunne het sich vo siere schöne Site zeigt u Themperature sie ou schön warm gsi. Nach rund 2 ½ Stund hei mir dä Wettkampf beändet u hei üs, mit paar Blessure, aber doch ds friede uf ä Heiwäg gmacht.

Am Sunntig am zwänzg ab achti hei mir üs wider uf äm Parkplatz troffe z'Ins. Äs si 83 Kids u 15 Leiter a dä gross Wettkampf cho. Nach em Appell u no äs Telefon a die wo nid hei ufmöge, obschons hüür doch einisch nid ä so früeh isch gsi, si mir wider Richtig Lyss gfahre.

Nach längerem Sueche für äs geeignets Plätzli hei mir üs am Bord igrichtet. Yturne mit em Dänu u de isch äs scho a erscht Wettkampfteil gange. Gstartet hei mir mit dr Gymnastik Bühne (8.44), Gerätkombi Unterstufe (8.97), Kugelstosse (8.73) und Zielwurf (8.67). Im zwöite Wettkampfteil hei mir Gerätekombi Oberstufe (9.14) und 4 Athlon (8.85) gmacht. U im Dritte Gymnastik Kleinfeld (8.67), Pendelstaffette (8.66) und Sektorensprung (8.82). Nach de Wettkampfteile si mir sofort go ds Mittagässe u de isch äs scho mit de Vorläuf vo dr Seelandpendelstaffette losgange. Äs het sech nur eini Mannschaft chönne witerqualifiziere, das si d'Meitschi gsi vo dr Gruppe D. Si si när uf ä 9. Platz gsprunge.

Am viertu vor füfi isch de ändlech d'Rangverkündigung gsi. Am Samschti bim Einzuwettkampf i dr Liechtatletik het d'Michèle Weber d'Bronze Medalie gwunne. U de hets no 7 Goldkrüzli gä. I gratuliere Euch ganz herzlich!

Am Sunntig si mir i dr 1. Stärkeklasse gstartet u hei uf ä guet 4. Platz turnet.
Nach em Krüzli verteile u Merci säge hei mir üs wider uf ä Wäg nach Ins gmacht.

Merci aune Leiter für Öie gross Ysatz für üsi Jugend. U ou äs grosses Dankeschön a aui Kampfrichter wo für üs si im Ysatz gsi u de Eutere wo üs guet Unterstützt u Begleitet hei.

Regula Reusser

Kopierrecht © 1997-2006 bei Turnverein Ins, Schweiz
Alle Rechte vorbehalten.