Turnverein Ins Jugend wird Seelandmeister!

Seel. Jugendturntage in Ammerzwil, 28./29.5.2005
(Von Regula Hauert, 14.8.2005)

Am Samschtig Mittag bi schönschtem Wätter u heissischte Temperature hei mir üs uf ä Wäg gmacht nach Ammerzwil. Nach einige Um- u Nachemäudige hei mir am haubi zwöi üse Wettkampf agfange. Jede Leiter isch mit sire Gruppe zu de verschiedene Diszipline gange, zum Bispiel Witsprung oder Standwitsprung, 60 oder 80 Meter-Lauf, Pendellauf, Ballwitwurf oder Kugelstosse, 1000 Meter oder dr Crosslauf. Ganz verschwitzt u zum Teil chli mit rote Chöpf vo dr Sunne hei mir am am drü die verschiedene Wettkämpf beändet. I Gratuliere aune zu ihrne tolle Leischtige, wo sie bi dere Hitz hei chönne erbringe. Zur Belohnig hets ä Glace gä u de hei mir üs uf ä Heiwäg gmacht, um am nöchschte Tag wider Fit dsi. D'Rangverkündigung isch de ersch am Sunntig Nami uf em Programm gstange. Mit emene 2. Platz u sehr vilne goldene Krüzli si sehr gueti Resultat erturnt worde. D'Ranglischte isch witer unge zfinge.

Am Sunntig morge früeh am haubi sibni, wider bi top Wätter, hei mir üs, das heisst 87 Kinder u 16 Leiter, wider besammlet u üf ä Wäg gmacht für ä Vereinswettkampf i Agriff ds näh. Ds Ammerzwil acho hei mir üs äs Plätzli mit ä chlei Schatte gsuecht für üses Täschedepot. Wettkampftenu alege u Gruppe iteile u de zu de erschte Wettkampfplätz ga, so dass mir am haubi Nüni hei chöne starte mit Gymnastik Bühne, Gerätekombination Unterstufe, Kugelstosse u Zielwurf. Zum Glück isch äs no früh gsi u nid au zu heiss. Mir hei aui ä nang ghoufe u agführet so dass mir hei super Vorfüehrige u Leistige erbracht.

Nach däm erschte Wettkampf hei mir üs wider besammlet bim Depot u neue Gruppe iteut u de isch äs sofort zum zweite Wettkampfteil gange. Am zwänzg ab Nüni hei mir ä Gymnastik Kleinfeld, ä Grätkombination Oberstufe u üses Könne im 4-Athlon zeigt. Ou das isch aune Gruppe guet gloffe. Usser im 4-Athlon hets dr Verband nid so guet organisiert gha u so hei mir rächt grossi Verspätig übercho. Mir si ersch am zä ab Zäni fertig worde u hätte scho bim nöchschte am zwänzg ab Zähni söue si. So hei d'Ching fasch kein Zyt gha zum Verschnufe.

Bim Depot ha i no die letschte Gruppe gmacht u de si mir mit ä chli Verspätig zu de letschte Wettkämpf gange - u das si gsi: Pendelstaffette für die grössere u Sektoresprung für die chlinere Ching. Mit letschte Chräft hei si no einisch die höchschti Leischtig chönne us sech usehole u aui super motiviere aues ds gä.

Nach däm tolle Wettkampf hets Hnger gä, mir sie zur Fassstrass ga aschta u hei üses Zmittag chöne entgägenä, Teigware mit Tomatesauce, ä Glace u äs Fläschli ztrinke. Im Feschtzäut isch äs sehr heiss worde u de hei aui Ching dr frei Mittag lieber bire Wasserschlacht verbracht. Mir Leiter hei üs i d'Kaffeestube zrügg zoge.

Am Namitag hei mir no bir Pendelstaffette mitgmacht, da hei mir nid viu chönne bewürke, nume ei Gruppe isch im Final gsi, aber nid unger de erschte drei Plätz cho. Bi heissischte Temperature hei mir no äs Schouprogramm dörfe luege u de isch äs ändlech zu dr Rangverkündigung cho. U da hei mir ä super überraschig erläbt, mir hei i dr erschte Stärkeklasse gwunne! Nach emene zwöite u dritte Platz und letscht Jahr nach emne vierte hei mir i däm Jahr ganz ds oberscht ufs Podeschtli chönne. Das isch, glaube i, ds Höchschte wo mir hei dörfe erläbe.

Nach em Krüzli verteile u emene Gruppeföteli hei mir üs mit emene riesige Lächle im Gsicht u emene grosse Glücksgfühl im Buch uf ä Heiwäg gmacht.

A dere Steu wett i no Danke: Aune Ching für iri grossi Leischtig u ihres tolle Mitmache. Aune Leiter u Betreuer wo mir gholfe hei a dä Grossalass zga. Aber ou aune Eutere, wo üs immer so tatchräftig ungerstütze u ou üsi Arbeit zschätze wüsse. Das fägt ä so ä grossi Familie dsi, wo aui am gliche Strick zie.

Regula Hauert


Auszug aus der Rangliste des Einzelwettkampfs vom Samstag, 28.5.2005
51. Aeschlimann Linda, Leichtathletik Kat. B Mädchen Jg 1996, 1688 Punkte
27. Albiez Maurice, Leichtathletik Kat. A Knaben Jg 1995, 2644 Punkte
12. Alvez Dany, Leichtathletik Kat. C Knaben Jg 1997, 2364 Punkte, Goldkreuz
58. Balmer Delia, Leichtathletik Kat. J+S 5 Mädchen, 630 Punkte
64. Balmer Lara, Leichtathletik Kat. J+S 5 Mädchen, 543 Punkte
22. Bongni Simon, Leichtathletik Kat. C Knaben Jg 1997, 2165 Punkte, Goldkreuz
27. Feissli Fabian, Leichtathletik Kat. J+S 5 Knaben Jg 1993, 903 Punkte
56. Feissli Reto, Leichtathletik Kat. A Knaben Jg 1995, 2100 Punkte
54. Frank Selina, Leichtathletik Kat. B Mädchen Jg 1996, 1547 Punkte
82. Freitag Pia, Leichtathletik Kat. A Mädchen Jg 1995, 1573 Punkte
46. Friedmann Sebastian, Leichtathletik Kat. B Knaben Jg 1996, 2084 Punkte
19. Gatschet Bianca, Leichtathletik Kat. C Knaben Jg 1997, 1833 Punkte, Goldkreuz
6. Gatschet Corinne, Leichtathletik Kat. A Knaben Jg 1995, 2657 Punkte, Goldkreuz
46. Gugger Gwendoline, Leichtathletik Kat. J+S 4 Mädchen Jg 1992, 430 Punkte
13. Hämmerli Alicia, Leichtathletik Kat. A Mädchen Jg 1995, 2548 Punkte, Goldkreuz
8. Hämmerli Carole, Leichtathletik Kat. A Mädchen Jg 1995, 2644 Punkte
35. Jahic Edi, Leichtathletik Kat. B Knaben Jg 1996, 2235 Punkte
45. Kasteler Peter, Leichtathletik Kat. A Knaben Jg 1995, 2309 Punkte
14. Liechti Mika, Leichtathletik Kat. C Knaben Jg 1997, 2311 Punkte, Goldkreuz
17. Liechti Norine, Leichtathletik Kat. B Mädchen Jg 1996, 2089 Punkte, Goldkreuz
57. Mellier Jessica, Leichtathletik Kat. J+S 6 Mädchen Jg 1994, 1124 Punkte
55. Pels Anouk, Leichtathletik Kat. A Mädchen Jg 1995, 1979 Punkte
31. Pels Yorick, Leichtathletik Kat. J+S 6 Knaben Jg 1994, 1580 Punkte
37. Schönenberg Lucien, Leichtathletik Kat. J+S 4 Knaben Jg 1992, 972 Punkte
25. Siegrist Luana, Leichtathletik Kat. J+S 6 Mädchen 1994, 1447 Punkte
28. Studer Lara, Leichtathletik Kat. J+S 6 Mädchen Jg 1994, 1413 Punkte
13. Vogel Romina, Leichtathletik Kat. J+S 4 Mädchen Jg 1992, 1094 Punkte, Goldkreuz
6. Weber Michèle, Leichtathletik Kat. C Mädchen Jg 1997, 2139 Punkte, Goldkreuz
2. Weber Raphael, Leichtathletik Kat. B Knaben Jg 1996, 2867 Punkte, Silber-Medaille
33. Zbinden Linda, Leichtathletik Kat. J+S 6 Mädchen Jg 1994, 1388 Punkte
48. Zihan Guo Han-Han, Leichtathletik Kat. J+S 6 Knaben Jg 1994, 1289 Punkte
18. Zwahlen Jessica, Leichtathletik Kat. C Mädchen Jg 1997, 1836 Punkte, Goldkreuz
56. Zwahlen Tamara, Leichtathletik Kat. A Mädchen Jg 1995, 1961 Punkte

Kopierrecht © 1997-2005 bei Turnverein Ins, Schweiz
Alle Rechte vorbehalten.