Mit grosser Equipe an den Mooslauf - mit grossartigen Leistungen zurück nach Ins

Mooslauf in Brüttelen vom 25. April 2004
(Von Regula Hauert, 19.5.2004)

Am zwöufi hei mir üs bir Sporthaue troffe. Deu no chlei mit rote Chöpf vom Spiutag. Guet ycremet mit Heum u Velo hei mir üs mit 42 Jugendliche u 6 Betreuer uf ä Wäg nach Brüttele gmacht. D'Bise het heftig chutet so das mir fescht hei müesse trampe. Ds Velo parkiert u verschlosse hei mir üses übleche Depot uf gschlage. I bi go nachemäude, d Startnummero abhole u ds Startgäud go zahle. Mit de agüfelete Nummero isch äs zum Yturne gange. U scho isch äs am haubi zwöi mit der Kategorie E (1997 und jünger) losgange. Achtung-Fertig-Los u si si grennt was d'Scheichli se hei treit di 300 Meter um ä Schutplatz.
Modis
1 Rang, Bianca Gatschet, Zyt 00:53.0 Gold
2 Rang, Delia Siegrist, Zyt 00:58.2 Silber
3 Rang, Jessica Zwahlen, Zyt 01:01.7 Bronze
8 Rang, Jasmine Gross, Zyt 01:16.5 (gestürzt)
Jungs
3 Rang, Timo Studer, Zyt 00:51.5 Bronze
8 Rang, Mika Liechti, Zyt 00:58.2


Nach däm super Start isch di nöschti Kategorie D (1995+1996) gstartet mit dr grosse Rundi vo 1100 Meter.
Modis
3 Rang, Corinne Gatschet, Zyt 04:24.7 Bronze
6 Rang, Alicia Hämmerli, Zyt 04:36.3 Goldkrüzli
7 Rang, Norine Liechti, Zyt 04:39.3 Goldkrüzli
8 Rang, Carole Hämmerli, Zyt 04:40.8 Goldkrüzli
10 Rang, Laura Lackner, Zyt 04:42.4 Goldkrüzli
22 Rang, Leila Büchler, Zyt 05:04.4
26 Rang, Natascha Gross, Zyt 05:09.1
27 Rang, Micaela Jenni, Zyt 05:13.6
30 Rang, Tamara Zwahlen, Zyt 05:23.4
Jungs
2 Rang, Raphael Weber, Zyt 03:56.7 Silber
9 Rang, Lukas Mäder, Zyt 04:33.9
12 Rang, Juval Gutknecht, Zyt 04:39.1


U wyter isch äs mit dr Kategorie C (1993+1994) gange. Ou si hei ds kämpfe gha mit dr grosse Rundi.
Modis
6 Rang, Luana Siegrist, Zyt 04:14.0 Goldkrüzli
10 Rang, Dana Liechti, Zyt 04:33.2
12 Rang, Lara Studer, Zyt 04:37.5
18 Rang, Anja Gutknecht, Zyt 05:13.4
20 Rang, Linda Zbinden, Zyt 05:28.6
24 Rang, Jessica Mellier, Zyt 05:41.6
Jungs
22 Rang, Raphael Mäder, Zyt 04:18.1
32 Rang,Zihan Guo, Zyt 05:19.0


Üser letschte Teilnämer si ir Kategorie B 1991+1992 gstartet mit äre Distanz vo 2200 Meter, auso 2 Rundine. Das isch ä grossi Herusforderig gsi für das Modi u di zwe Jungs.
Modis
12 Rang, Gwendoline Gugger, Zyt 10:19.5
Jungs
8 Rang, Lucien Schönenberg, Zyt 09:18.4
9 Rang, Steve Lewis, Zyt 10:19.2


Nach dene Löif u Betreuuige he mir aui zäme ä Portion Pommes, ä Hamburger oder ä Portion Fisch (mir Leiter) verdrückt.
Am drüü isch äs wyter gange mit em Seilizie. ä so spannend u ufregend isch das gsi, aui hei mitgfieberet u agfüret, so das me fasch nume no HOPP INS ghört het. Das isch so ä geniali Stimmig gsi so ä guete Zämehaut unger Gross u Chlii, eifach schön. U das het di Ching motiviert u si hei zoge wi wiud. U das isch ds Resultat:
Kategorie A Jungs
1. Brüttelen
2. Madresch / Ins

Kategorie B Jungs
1. Brüttelen
2. Busswil
3. Täuffelen
4. Siselen-Finsterhennen
5. Ins
6. Safnern / Brügg

Kategorie M1 Modis
1. Ins
2. Müntschemier
3. Brüttelen
4. Madretsch / Ins
5. LAC Biel

Kategorie M2 Modis
1. Ins 1
2. Siselen-Finsterhennen
3. Müntschemier
4. Kallnach
5. Ins 2
6. Brüttelen

Mit 2 Wanderpokale im Rucksack u viu Uszeichnige hei mir d'Velo wider ufbschlosse u si mit dr Bise im Rügge glücklich nach Ins gfahre. Müed aber zfride hei mir üs bi dr Sporthaue verabschidet. Merci viu mau aune Leiter u Betreuer für öie Ysatz u Ungerstützig. U ou aune Eutere für öii grossi Hiuf u Begleitig äs grosses Dankeschön. äs isch sehr schön ä so ä guete Zämehaut o vo öire Site ds gspüre.

Regula Hauert


Kopierrecht © 1997-2004 bei Turnverein Ins, Schweiz
Alle Rechte vorbehalten.