Nadine Gatschet und Lucien Schönenberg holen erste Medaillen!


Belper Jugendcup im Geräteturnen, 17.11.2002
(Von Regula Hauert, 21.11.2002)

Am Sunntig um 9.30 Uhr isch Träffpunkt gsi ir Sporthaue ds Ins. Ä chlei spezieu isch äs für mi u d'Chind gsi wöu dr Patrick nid a däm Wettkampf het chönne dr bi si. Är isch mit Rüggeproblem deheim im Bett. Ouso si die 5 Jungs u 14 Modis mit de Eutere u mir uf das Belp.
Närvosität u Spannig für dä Wettkampf si spürbar worde u wis de geit, chäni d'Üebig u was gits für Note. Zersch si K1 u K2 gstartet jewils Jungs u Modis zäme. D' Michele u dr Dävu si verandwortlech gsi für K2 u Melanie u ig für K1. Mit dr Reihefoug Reck, Sprung, Barre u Bode. Am Barre si die zwo Kategorie zäme gsi u hei mit em Mischa, Sämi, Lucien u Oliver gfieberet. Ja muksmüsli stiu isch äs gsi u ds Schnufe hei mir ou fasch vergässe. U vou fröit gjublet bi jeder Note.
Somit isch dä Wettkampf super gloffe, Merci fiu mau ar Michele, Melanie u em Dävu für öii tolli Hilf.
Nach em Mittagässe hei sech die trü K3 Turner/inne ou mit Spannig is Grättenu gwagt. Am viertu vor zwöi hei si mit dr gliche Reihefoug vo de Grät chönne Starte. Mit Fröid aber ou mit Entdüschig hei si Ihrer Note entgäge gno. Aber ou si trü hei ä tolle Wettkampf gha.
Wärend em K3 Wettkampf isch Rangverkündigung gsi vom K1 u K2, u da hets Überraschige gä: Lucien Schönenberg Silbermetaliegwinner im K1 Knaben, Nadine Gatschet Broncemetaliegwinnerin im K1 Mädchen. U ä Uszeichnig hei dörfe Hei nä: Carole Hämmerli K1, Sämi Parvex K2, Marina Siegenthaler K2, Romina Vogel K2, Melanie Keller K3. U i dr Mannschaft K1 Mädchen het Nadine, Carole, Lara Studer u d'Andrea Fricker dr 3 Platz erreicht. U äbe so im K2 Mädchen d' Marina, Romina, Celine Kappeler u d'Kathrin Schmocker dr 3 Platz. Ou aune angere Ching gratuliere ig zu irne guete Note ( sie hei zum teu bis zu emene Punkt höcheri Note ertrunt zum letschte Wettkampf ).
Gratuliere aune u MERCI viu mau für dä wunderbar Tag ds Belp. Äs isch schlichwäg sehr schön gsi.

Regula Hauert

P.S. Auch in der Presse konnte von unseren Leistungen gelesen werden. Hier der Bericht aus dem Bieler Tagblatt vom 19.11.2002.


K1 Turnerinnen - Total 73
Rg. Name, Vorname Kat. Boden Barren Reck Ringe Sprung Total Ausz.
3. Gatschet Nadine K1 9.20 8.70 9.35 27.25 Bronze
8. Hämmerli Carole K1 8.90 9.10 9.05 27.05 *
32. Gatschet Corinne K1 8.65 8.80 9.00 26.45
40. Imboden Claudia K1 8.80 8.60 8.80 26.20
41. Fricker Andrea K1 8.90 8.55 8.75 26.20
45. Studer Lara K1 9.00 8.90 8.20 26.10
47. Rindisbacher Pascale K1 9.00 8.85 8.15 26.00
59. Reist Natascha K1 8.75 8.45 8.30 25.50

K1 Turner - Total 29
Rg. Name, Vorname Kat. Boden Barren Reck Ringe Sprung Total Ausz.
2. Schönenberg Lucien K1 9.15 9.40 9.00 9.35 36.90 Silber
24. Keller Oliver K1 8.80 8.20 8.50 8.90 34.40

K2 Turnerinnen - Total 40
Rg. Name, Vorname Kat. Boden Barren Reck Ringe Sprung Total Ausz.
8. Siegenthaler Marina K2 8.55 9.05 8.85 26.45 *
13. Vogel Romina K2 8.45 9.35 8.50 26.30 *
19. Kappeler Céline K2 8.20 9.20 8.45 25.85
24. Schmocker Kathrin K2 8.05 8.60 8.95 25.60

K2 Turner - Total 18
Rg. Name, Vorname Kat. Boden Barren Reck Ringe Sprung Total Ausz.
6. Parvex Sämi K2 8.35 8.75 8.95 9.15 35.20 *
17. Heubi Mischa K2 7.05 8.35 9.25 8.75 33.40

K3 Turnerinnen - Total 41
Rg. Name, Vorname Kat. Boden Barren Reck Ringe Sprung Total Ausz.
14. Keller Melanie K3 9.15 8.55 8.80 8.45 34.95 *
19. Hämmerli Michèle K3 8.30 8.70 8.75 8.85 34.60

K3 Turner - Total 16
Rg. Name, Vorname Kat. Boden Barren Reck Ringe Sprung Total Ausz.
10. Kappeler David K3 8.60 8.50 8.60 9.05 8.20 42.95

Kopierrecht © 2002 bei Turnverein Ins, Schweiz
Alle Rechte vorbehalten.